एक होती प्रजा

आटपाट नगर होतं
नगराचा एक राजा होता
राजाला तीन राण्या
तिघिना एक एक राजपुत्र
राजा नपुंसक होता
बाकि सगळं व्यवस्थीत चालल होतं

राजवाडयामागे खोल विहीर होती
बारा महीने भरलेली असायची
सर्वात मोठ्या राणीने तिच्यात
जीव दिला होता असं म्हणायचे
नगरातल्या शेतकरयाशी तिचे
संबंध होते असही म्हणायचे
पण आता असं कुणी म्हणत नाही
दर अमावशेला सगळी प्रजा
एक एक हंडा पाणी विहिरीत ओतते
जुनी गोष्ट आहे इतकच म्हणतात
बाकि सगळं व्यवस्थीत चाललय

दरबारात एक प्रधान होता
राजवाड्याशी त्याचे घरचे संबंध
दरबारात तो फारसा नसायचा
पण राजवाड्यातल कमी जास्त
सगळ तोच बघायचा
प्रधानाची बायको हुशार
प्रधानाचा संसार राजेशाही ठेवायची
तीन वेळा का होइना
पण प्रधान राजा बनला होता ना!
प्रधानाचा संसार ही व्यवस्थित चालला होता

दरबारात एक सेनापतिही होते
राजाची कुणाशी दुश्मनीच नव्हती
राज्यातला सगळा कर
सेनापति गोळा करायचे
राज्यातली सारी न्याय-व्यवस्था
सेनापतीच बघायचे
न्याय-व्यवस्था न माननारी लोकं
सेनेत भरती व्हायची
बाकि सगळं व्यवस्थीत चालल होतं

आणि उरले राज-ज्योतिषी
त्यांच्या परवानगी शिवाय तर
नगराच पानही नाही हलायच!
प्रजेच उज्जवल भविष्य
तेच तर ठरवायचे!
नवीन रस्ते, नवीन राजवाडा
कधी कुठे बांधायचे, हे
सेनापती त्यानाच 'विचारायचे'
त्यांच्या आशीर्वादानेच तर
नगराची भरभराट होत होती

ते आटपाट नगर होत
नगराचा एक राजा होता
'राजा नपुंसक होता
हे फ़क्त राजालाच माहिती होतं'
असंच सगळे म्हणायचे!
-भावीन